طريقة عمل صينية القرع العسلي جنااان

ازيكم يا فتوكات يا حلوين

من كام يوم جوزي فاجئني وجاب قرع عسل وانا عمري ما عملته ولا بعرف اعمله

علي طول كلمت ماما رنبا يخليها ليا وسالتها علي طريقته لان هي بتعمله حلو اوي

وقالت لي الطريقة وعلي طول نفذتها وحبيت اخد رايكم

بجد هي طلعت النتيجة معايا هايلة والحمد لله عجب جوزي

بس برضه يهمني رايكم

ونبدا بسم الله


اول حاجة نبدا بالمقادير

قرع عسل حوالي 2 ك (وطبعا علي حسب الحجم اللي هتجبيه مش شرط 2 ك )

سكر حسب الرغبة


مكسرات (لوز,بندق,عين جمل)

زبيب

جوز هند

الصلصة البيضاء (البشاميل المسكر)

2 م.ك دقيق

2 م.ك زبدة

4 كوب لبن

سكر حسب الرغبة

م.ص فانيليا


الطريقة

اول حاجة يا حلوين هنقشر القرع ونقطعه مكعبات صغيرة ونحطه في الحلة اللي هنسويه فيها


900)="0">

ونضيف له السكر (حوالي كوباية سكر او زي ما انت عايزة) ونسيبه علي نار هادية لحد ما تحسي انه استوي اوي وشبهه اتهري

(ماتضيفيش مية لانه القرع بينزل ميته وبتبقي كافيه اوي انه يستوي كويس)

ودة شكله لما خلاص كان قرب علي السوي



علي فكرة يا جماعة هو لما القرع بينزل المية بتاعته وبيستوي الكمية بتاعته بتقل اوي

مش زي ما كنت متوقعة انا كنت حاسة انه كتير قبل السوي

المهم بنحط القرع في الصنية ونهرسه كويس بالشوكة



ونجهزالمكسرات بتاعتها والزبي وجوز الهند



ونخلط المكسرات وجوز الهند والزبيب بالقرع كويس ونفردهم كويس في الصنية

ونرش عالوش شوية جوز هند وزبيب


نيجي بقي نجهز البشاميل بتاعنا


هنجيب معلقتين الدقيق والزبدة مع بعض علي النار شوية لحد ما لونهم يصفر



ونضيف اللبن ونقلب كويس عشان ما يكلكعش معانا




ونضيف السكر والفانيليا ونقلب كويس لحد ما تحصلي علي القوام اللي انت عايزاه



نصب البشاميل علي القرع ونوزعه كويس



وندخل الصنية في الفرن لمدة ربع ساعة عشان يتماسك

وبعد كدة نشغل الشواية عشان ياخد الوش الجراتان ويحمر

وادي صورة ليه بعد ماجهز
)
وادي صورة كمان



وطبعا نسيبه لحد ما يبرد وبالهنا والشفا


والافضل انك تحطيه في التلاجة قبل التقديم بيبقي طعمه الذ و هو بارد


وادي شكله



ودة شكله من الجنب



يارب الطريقة تعجبكوا يا فتوكات

ومستنية رايكم

0 التعليقات:

شارك بردك وضع بصمتك

الرجاء تجنب وضع الروابط المختصرة أو الإشهارية وكذلك عدم الخروج عن طلب الموضوع أو التعرض لأحد الديانات.

 
Support : Creating Website | Johny Template | Mas Template
copyright © 2013. فتكات اليوم - All Rights Reserved
Template Created by konozblog | تطوير و تعريب مدونة كنوز مدونتي
المدونة لدى Blogger