فوائد ملح الليمون للتنظيف


ملح الليمون,فائدة ملح الليمون ,ملح الليمون خطير جدا للنظافة
اولا في الغسيل
الوصفة كوب صغير من الخل و4 ملاعق ملح الليمون ومسحوقك المعتاد وتنقع الملابس فيها من 3 الى 5 ساعات وانا اختار في غسالي خيار النقع واغسل بعده بالطريقة المعتادة
بياض ناصع للملابس البيضاء واشراق وثبات الوان للملابس الملونة
القضاء على اصعب البقع خاصة بقع الشوكلاتة والدم
تعقيم للملابس ورائحة جميلة
نتيجة هايلة مع اضافة القليل من الزهرة
يحافظ على الغسالة ويطول عمرها لانه يصون الطبقة الداخلية للغسالة ويعمل لها تنظيف مستمر من الالياف والاشياء العالقة بها
توفير لانك لما تشوفي النتيجة هاتقللي من استخدام المسحوق العادي


جربي وانشالله لما تنشري غسيلك يكون منور زي الشمس


فعلا ملح الليمون ده قوي جدا في ازالة البقع وانا جربته في حاجات كتير وكان رائع وانتي فعلا ممكن تعملي منظف خاص بيكي مكون من ملح ليمون مركز مع خل ومسحوق غسيل كويس وتخليه عندك لاي بقعة وأول بأول حطيه على مكان البقعة وفرك خفيف ولاحظت احسن نتيجة لما يتنقع شوية وانشالله تلاقي البقع اختفت وعلى فكرة كمان انا بعمل نفس التركيبة دي لتنظيف الحيطان لما الولاد يكتبو عليها بالقلم الحبر والالوان والنتايج روعة
وكمان ممكن تستخدمي التركيبة دي للسجاد تنظيف وتعقيم وبدون مجهود
نحطه مباشرة مع المسحوق في درج الغسالة الاتوماتيك وصاحبتي كانت غسالتها فيها عطل معين وفني الصيانة نصحها من وقت للتاني انها تعمل دورة غسيل بدون مسحوق للغسالة وتستخدم فقط ملح الليمون بيحافظ عليها ويصون الاجزاء الداخلية

انشالله يا قمرات فتكات تكونوا استفدتو من تجربتي في زهزهة الملابس البيضاء وتنضيف الحلل المحروقة وطبعا بالفتاك محل الليمون
تجربتي النهاردة اننا بفضل الله نقدر نتخلص من البقع الصعبة والعنيدة في المطبخ والحمام وكمان في تنضيف قاعدة التواليت
ممكن نعمل التركيبة البسيطة دي ونخليها للمهام الصعبة
كوب من ملح الليمون وكوب من الخل وكوب من سائل غسيل اي نوع
ونزود عليهم مية سخنة وبليفة خشنة ندعك السيراميك الي ورا البوتجاز لان ده بيكون اكتر مكان صعب ونحاول نخلي الرغوة عليه شوية عشان تفتت الدهون عليه
وبعدين نشطفه هنلاقيه بينضف بسهولة ولو احتاج نكرر الغسيل لغاية ما تشوفي السيراميك بيلمع وينور لوحده

قاعدة التواليت بقى هاتي الخل وملح الليمون ومية سخنة وسمي باسم الله وحطيها في القعدة وخليها 5 دقايق وافركيها بالفرشاة هتلاقيها بفضل الله بقت زي الفل

لكن لو القاعدة لقدر الله حالتها مستعصية سيبي التركيبة دي فيها من باليل للصبح وافركيها الصبح كويس بالفرشاة وممكن تكرريها لغاية ما توصلي للنتيجة الي تحبيها

وبالمناسبة للي بيستخدموا الفلاش في تنضيف قاعدة الحمام ما شاء الله ملح الليمون بيعمل نفس النتيجة لكن من غير الريحة القوية للفلاش وبدون مواد كيميائية تخدش السيراميك
منقول

0 التعليقات:

شارك بردك وضع بصمتك

الرجاء تجنب وضع الروابط المختصرة أو الإشهارية وكذلك عدم الخروج عن طلب الموضوع أو التعرض لأحد الديانات.

 
Support : Creating Website | Johny Template | Mas Template
copyright © 2013. فتكات اليوم - All Rights Reserved
Template Created by konozblog | تطوير و تعريب مدونة كنوز مدونتي
المدونة لدى Blogger